-純分享文-
低筒PHANTOM ELITE一直以黎都好少介紹比大家，因為唔似香港，PHANTOM喺外國地方同PHANTOM DF(高筒版)個定價係差唔多，所以優惠都比較少。但佢咁高嘅定價係有佢原因，因為呢對低筒係NIKE第一對低筒同高筒基本上無大分別嘅系列，此話何解呢～
好似MERCURIAL第11代，SUPERFLY係用NIKESKIN + FLYKNIT + 3D材質，VAPOR就只用一直係MERCURIAL嘅TEIJIN纖維，相信大家拎過上手都發現到2種材質嘅分別，VAPOR係比較似合成皮，而SUPERFLY就似織紋面。
而HYPERVENOM嘅第2代，PHANTOM(高筒)同PHINISH(低筒)簡直就係兩對野嚟。我哋諗尼馬轉MERCURIAL其中一個原因亦都係因為呢對PHINISH嘅設計太差。
MAGISTA OBRA(高筒)同OPUS(低筒)嘅第一第二代就唔講啦，二代OPUS個窿窿UPPER同二代OBRA對比真係倒米咁款，好彩之後嘅OPUS都用返OBRA嘅3D表面設計，但同OBRA比，物料同鞋型設計仲有一定嘅分別。OPUS就用KANGALITE仿袋鼠皮合成面，OBRA就用熱成型嘅3D表面，鞋舌設計都係。
所以呢對三代PHANTOM一推出就收到唔少好評，因為基本上呢對嘢同高筒版除左個襪筒就無分別，有拎過上手既朋友就會發現鞋舌一體化、鞋面PORON海綿粒同最主要嘅FLYKNIT UPPER喺低筒版都有，但亦都因為咁，佢嘅定價就一下升高咗。 (喺開香港門市買砵嘅朋友應該慶幸定價仲係1699)
最近嘅第12代MERCURIAL VAPOR亦都係採用左呢種設計理念，高低筒基本上無分別，所以佢嘅定價亦都因而提高。
近年高筒波砵盛行，NIKE、ADI、PUMA等等都係以佢地嘅高筒系列作主要賣點，低筒相對被忽視，但係其實並唔係完全取代曬低筒砵。尼馬、恩尼斯達、美斯、夏薩特等等嘅球星都捨棄咗高筒，大家就會明白低筒波砵其實喺足球界上仲有好大嘅認受力。MERCURIAL 12代NIKE將VAPOR轉為一個獨立系列，同時亦都重新設計呢對NIKE王牌低筒，成效亦都非常顯著。
以後嘅低筒砵發展會係點，大家可以拭目以待～
